రెండు హృదయాల మద్య దూరం!!??

ఆమెకి నాకు మధ్యన ఉంది దూరం...
అది తనువులకే తప్ప, మనసులకు కాదు...
నా మనసు ఆమె హృదయంలో...
ఆమె మనసు నా హృదయంలో...
నిత్యం గుండె చప్పుడుని ఆలపిస్తూనే ఉన్నాయి!

సూర్య-చంద్రులు ఎంత దూరంలో ఉన్నా సమస్త జీవకోటికి కనిపిస్తారు.
అట్లే నేను ఎక్కడ ఉన్నా, నా హృదయ తలుపులు తెరిచిచూస్తే...
ఆమె మోము ప్రత్యక్షమవుతూనే ఉంటుంది;

సమస్త విశ్వంలో ఒకరికి అన్నిటికన్నా దగ్గరగా ఉండేది తన ప్రియురాలి మనసు మాత్రమే!
మిగతాది ఏదైనా అది దూరమే అవుతుంది;

మనసుకి మనసుకి మధ్య దూరం ఋణాత్మక అనంత విలువకు సమానం..;
ప్రపంచంలో ఏ ఒక్కరు కనుగోనలేని దూరం ఇది!
ఒకవేళ ఆ ప్రేమ విఫలమైనా సరే ఆ దూరాన్ని లెక్కించలేము..
అది ధనాత్మక అనంత విలువను చేరును!

అందువల్ల మనసుకు, మనసుకు మధ్య దూరం ఎంత దగ్గరో అంత దూరం కుడా!

So, Don't try to measure it.. :)